Búgin Mańǵystaýda tuńǵysh ret «Týǵan jerge taǵzym» atty mesenattar forýmy ótti.
Sharanyń maqsaty - kásipkerler men halyq múddesin eskerip, olardyń eńbek pen iskerlik áreketteriniń belsendiligin arttyrý arqyly áleýmettik jobalardy iske asyrý. «Týǵan jer» baǵdarlamasy aıasynda óńirdiń damýyna úles qosyp, eldiń turaqty ekonomıkalyq keńistigin qalyptastyrý.
Elbasy Nursultan Nazarbaev «patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady» degen bolatyn. Sondyqtan bul forým «Týǵan jerge taǵzym» dep atalady.
«Rýhanı jańǵyrý» baǵdarlamasy aıasynda uıymdastyrylǵan forýmǵa oblys ákimi Eraly Toǵjanov bastaǵan memlekettik mekeme basshylary men óz óńiriniń órkendeýine úles qosyp júrgen mesenattar qatysty.
Is-shara barysynda aýdan ákimderi men orynbasarlary forým qonaqtaryna áleýmettik jobalar usynylǵan kórmemen tanystyrdy. Mańǵystaý oblysynda «Týǵan jer» jobasyn iske asyrý men ilgerletý prosesine kásipkerler qaýymy belsendi atsalysýda. Mesenattardyń qarjylaı qoldaýymen aýyldar abattandyrylyp, áleýmettik nysandar salynyp jatyr. Tarıhı eskertkishter men mádenı oryndardy qalpyna keltirýge baǵyttalǵan jobalar da bar.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy